епископа Тримифунтскаго

Служба Преподобного отца нашего Спиридона чудотворца,

На Господи, воззвaх, стихиры на 6, глaс 5.

Подобен: Рaдуйся:

Радуйся, архиереев правило,/ церкви непоколебимое утверждeние,/ слaво правослaвных,/ чудeс источниче,/ любве струя неистощимая,/ светильниче многосветлый,/ духа оргaне,/ уме божеcтвенный,/ кроткий и незлобивый,/ иже простотою истинною украшaемь,/ человече небеcный, земный ангеле,/ виногрaда делателю,/ Христов дрyже искренний,// того моли, подaти тебе чтyщым вeлию милость.

Кроток и наследник земли ты кротких,/ воистинну показaлся еси, Спиридоне/ отцев слaво:/ иже жилами мyдрых и простых твоих словeс Божеcтвенною блгодaтию,/врага вселукaваго и пребезyмнаго ария удавил еси:/ и веление божеcтвенное всем уяснив,/ верным показaл еси,/ и спасительное возвысив духом,/ вся же православныя просветив яснейше,/ Едино слaвити Слово,/ яко воистинну Единосyщное Отцу Пребезначaльному,// подающее миру вeлию милость.

Страсти умертвив плотския,/ мертвыя благодaтию Божиею возстaвил еси,/ и змию в злaто претворил еси,/ и реки стремлeние молитвою твоeю, отче, обуздaл еси:/ нощию же царю явлься бедствующему,/ сего исцелил еси к сердцу приближeнием,/ Господу тя преслaвно прославляющу./ Темже велеглaсно твою память почитаем,/ и мощей Божественную и священную раку чтим,/ из неяже истекает врачеваний Божественная струя,// и вeлия милость.

Слaва, глaс 1:

Преподобне отче, блажeнне Спиридоне мyдре,/ мeртвую якоже живу вопросил еси любве рaди Божия:/ змию же преложил еси в злaто, нищетою обдержимому./ Течeние же удержaл еси реки, сострадaтельствовав людем:/ царю же предстaл еси врaч промышлeнием Божиим:/ мертвыя же пaки возстaвил еси, яко того ученик,/ и веру уяснил еси посреде отцев многих./ Вся убо могий во укрепляющем тя Христе:// того и ныне моли спастися душaм нaшым.

И ныне, Богородичен, или Крестобогородичен:

Заколeние твое непрaведное, Христе, дева зрящи,/ плaчущи вопияше ти:/ чaдо сладчaйшее,/ кaко без прaвды умирaеши;/ кaко на дрeве висиши, иже всю зeмлю повешей на водaх;/ не остaви мене едину, блгодaтелю многомилостиве,// матерь и рабу твою, молюся.

На стиховне Слaва, глaс 2:

Святителей Божеcтвенный сосyд,/ отче преподобне Спиридоне мyдре,/ ты добродетельми показaлся еси:/ сего рaди церкве предстaтель быв,/ ересеначaльники изгнaл еси,/ и ариево хулeние соборне на зeмлю низложил./ темже чудодействуя делом и словом,// Спаса моли спастися душaм нaшым.

И ныне, Богородичен, или Крестобогородичен. Подобен: Егда от дрeва:

Дрeву крестному тя, Иисусе, пригвождeна зрящи Неискусобрaчная,/ плaчущи глаголаше:/ чaдо слaдкое, почто остaвил еси мене,/ рождшую тя, едину, Свете непристyпный Пребезначaльнаго Отца;/ потщися и прослaвися,/ яко да слaву получaт Божеcтвенную,// иже Божеcтвенныя страсти твоя слaвящии.

Тропарь, глас 1:

Собора перваго показался еси поборник и чудотворец,/ богоносне Спиридоне, отче наш./ Темже мертву ты во гробе возгласив,/ и змию в злато претворил еси;/ и внегда пети тебе святыя молитвы,/ ангелы сослужащия тебе, имел еси, священнейший./ Слава Давшему тебе крепость,/ слава Венчавшему тя,// слава Действующему тобою всем исцеления.

Слaва, и ныне, Крестобогородичен, глас 1:

Твое предстательство имуще, Пречистая,/ и твоими молитвами лютых избавляеми,/ Крестом Сына Твоего везде соблюдаеми,// по долгу Тя вси благочестно величаем.

Кондак, глас 2-й:

Любовию Христовою уязвився, священнейший,/ ум вперив зарею Духа,/ детельным видением твоим деяние обрел еси, Богоприятне,/ жертвенник Божественный быв,// прося всем Божественнаго сияния.

Катавасии, глас 2:

3. На кaмени мя веры утвердив,/ разширил еси уста моя на враги моя,/ возвеселибося дyх мой, внегда пети:/ несть свят, якоже Бог нaш,// и несть прaведен, пaче Тебе, Господи.

6.В бездне греховней валялся,/ неизследную милосердия Твоего призываю бездну:/ от тли, Боже, мя возведи.

8.Пещь иногда огненная в Вавилоне действа разделяше, / Божиим велением халдеи опаляющая,/ верныя же орошающая, поющия:/ благословите, вся дела Господня, Господа.

9.Безначальна Родителя Сын, Бог и Господь, / вопощся от Девы, нам явися, / омраченная просветити, собрати расточенная. / Тем Всепетую Богородицу величаем.

Стихиры на стиховне, глас 1:

Тебе на Дрeве пригвождшагося плотию,/ и живот нaм подaвшаго,/ яка Спаса и Владыку,// поим непрестaнно.

Слaва, святаго, глaс 4:

Преподобне отче, святителю прехвaльне,/ апостольскаго учeния быв исполнен,/ и Божеcтвеннаго духа жилище/ добродетельнаго рaди жительства показaвся,/ церковныя волки учeньми отгнaл еси,/ и правослaвных веру уяснил еси,/ столп явился еси благочeстия и поборник./ Темже и чудодействуя в концех,/ змию в злaто преложил еси,/ и мeртвую к вопрошeнию воздвигл еси,/ но, о отцев досточyдне, и учителей собеседниче// Спасу молися спасти дyши нaша.

И ныне, Богородичен, или Крестобогородичен. Подобен: Яко добля:

Умерщвляема видящи Христа,/ Пречиcтая Владычица, / умерщвляюща льстиваго/, восклицaше горце взывaющи, / иже из утробы Тоя произшeдшу, / и долготерпению его чудящися, взывaше: / Чaдо Мое Любeзнейшее, / не забyди рабы Твоея, // не закосни, Человеколюбче, Мое утешeние.

Прокимен Святителя, глaс 1: Уста моя возглаголют премyдрость, и поучeние сeрдца моего рaзум.

В храме святого — тропарь дня: «Спаси, Господи...», тропарь храма, тропарь святителя; кондак дня: «Вознесыйся на Крест...», кондак храма, кондак святителя. «Слава» — «Со святыми упокой...», «И ныне» — «Предстательство христиан...».

Величание: Величаем, величаем тя,/ святителю отче Спиридоне/ и чтим святую память твою./ Ты бо молиши за нас// Христа Бога нашего.