Надежда Павловна БОЛЬШАКОВА

 

 

СĀХХПЛИНК УДЛЭСЬ КĒБПЬЛЯ

Томтсуввмушш

Рис.1/8

Кудэ-кыджьме алкнедтӭ саесьт, кōххт ляйй пыййма коаннҍт са̄ххплинкэтҍ.

Сāххплинк шэ̄ннтэдҍ эфт лышшэ, тэ̄йн э цовнэ сēннтмуж пугк ӣжесь сāххплинк пуллдэгэсьт.

Сāххплинкэнч шӯррнэшкудӭ, кӯсстъешкудӭ, пэре сōнн ли тӣдтлушшэй я сӯдтлэсь, э ēннҍ энҍтэ соннӭ нэ̄м Удлэсь Кēбпьля.

Кōххт-ля̄ннч эфт вуэр е̄ннҍ каррэль пēрк ōдзэ, а Удлэсь Кēбпьля муйхькетҍ вуэӈкэсьт выльшхэ, ми тамьпе альн лыххкъювв. Авьтма, ми соннӭ вэсьт чӣльме энҍтэ, ля̄йй пэре чӯввесь поа̄шт пēйв чувв. Удцьхенч цырмшэдтӭ чалматҍ, лыгкхэлэшкудӭ нюна кукесь оāбпнагуэйм. Сōнн эпьсе пырр вӯййнас, ку ля̄йй поа̄ххк я тӣввтма югке лэ̄гэгуэйм. Тэдт шӣг лэ̄гк пуэраст чēглэдтӭ нюннҍсēррматҍ, кӣзе сыйнэ. Сада поāе ōдт куллмужэтҍ. Удць Кēбпьля лыгксэсьтэ вуэӈкэсьт ōллтла. Сōн тӣдтлушшэмвудт кӣзе ӣджясь. Чӯшшк, ку чōнэнҍт сōн нюнҍ луннҍ я эфт вуэр ка̄цькэсьт сама нюннҍ кя̄жя, тэдт чофта чӯзе.

–   Ке тōнн ля̄хх, ныдтҍ мун чӯзхэхь? –   сēннтма кэ̄джель чӯшкэсьт са̄ххплинк.

– Мунн ля Чӯшшк-Уммь я мунн тāрьм нимэнн вя̄л эмм югкма, з-з-з. Мунн вэ̄р тāта, вэ̄рха я̄ма! Вай тōнн антах мыннӭ эфт вуэр ня̄льм вēрьт нимсэ. Мунн тōн алка кугкь мушшьтэ, з-з-з. Э лыгка мӣлкнесьт, эйй альк чофта чӯдзе, з-з-з.

– Шӣг, го воа̄льтнехь эфт ня̄льм вēрьт я мӣлкнесьт, – шӯрр тāтант эллий, ноа Удлэсь Кēбпьля мӣдӭ чӯшк а̄ннмуж, ӣджь цырмшувэ.

– Чӯшшк-Уммь эйй аллкма кэ̄дже вя̄л вуэр э нёазе сāххплинкне вӯййкесьт нюнна, ку кӣҏҏшлэнне вӯрьтэ, ноа нӣӈӈлэсс чӯшшк эллий сӯрэв э тэдт сēннтэдҍ Удлэсь Кēбпьля. Сōнн сяйпанӭсь энҍтэ пашшнэннтъе я чӯзэхьт сōн.

– Мэ̄нн тōнн лыххькехь, нēшшь сāххплинкэнч?! – пэзэдэсьтэ Чӯшшк, – тōнн ко̄ннҍтэхь мун, кōннҍтэхь! – Тōнн, з–з–з, кōннҍтэхь мун…

– Мыйй тōнэнҍ соāррнънэдэмь эфт ня̄льм вēрьт, а тōнн нёа̄дцехь э ниммехь пугк вэ̄р, тэдт элля вӯййк лыххк.

– Мунн ёа̄мна! Ёамна! 3–з–з! – умэ Чӯшшк, ноа Сāххплинкэнч лоāтткэнҍ сōн э̄л кӣххче э кадцэнҍт туммпла.

Ю̄льке вӯлленҍ ēгель суэпэнҍт со̄н. Шӣг ля̄йй. Тэсьт Сāххплинкэнч скрудтҍ куӆст-ня̄лкэ э Эльке ōдзэ, мэ̄нн поҏ сэ лиххч. Чāрр руэк лев шӯрр, ēннэ сōнэсьт ли ня̄лькесь лэсьтнедтӭ, э Удлэсь Кēбпьля эйй нюэзельт оāлкхэж гуэйке поҏст. Тэсьт сōнн вуэмэшьт эйй куххькенҍ, ӣжесь луннҍ, оāйххьк тыкквэнҍ пāкь. Тэдт па̄ххьк куӆст сōн э̄ллтнэмуж, ōрхэдэ э лыгкхэлэшкудӭ кукесь пӣльегуэйм, воāлмаш ля̄йй ё нюччкье туэресь пя̄лла, го пэӆтэсс ōйххьталл.

Рис.1/2

Э аввта Сāххплинкасьт лыгкнэшкудӭ кӣҏшнаххьтэмь тӣдтлушшэмвудт. Соннӭ пӯдӭ вуаййва удла томтсуввэ тэнн поāкенҍ.

– Тōнн ке ля̄хх? – кэ̄джель Удлэсь Кēбпьля.

– Мунн Нюэммель ля. Кōххт тōнн мун сӯррькхэхь, Сāххплинк, ӣжянт э̄ллтнэмужэнҍ.

– Вай мыйй тōнэнҍ томтас лēбпь я вуайй мага сӯррькхэ мугка пāкь, мāнҍтэ тōнн ля̄хх? – тыве Удлэсь Кēбпьля.

– Кōххт вя̄л вуайй. Ва̄льт Нёал – сōнн вэлляй месткэ тӯгкенҍ, э мунн, кōххт тōнн сāрнах, «пāххьк» лӣннче сōн пассьтлесь поāнӭнҍ. Сōн эвтэсьт мунн ныдтҍ шэ ля удцьха, кōххт э тōнн мун эвтэсьт. Э̄ххт мӣнэть рāттк: мунн сāххплинкэтҍ эмм пōр. Нёалл нюэммьлетҍ чофта шоабашт.

– Вай тэста мугка шӯрр лēв? – тыкквэнҍлувэ сāххплинкэнч.

– Лев, ноа сама шурьмусс ча̄рэсьт ли Та̄лл. Нюэммьле ля̄йй шӣг ӣӈӈьке, го сōнн вӯе юэгктэдтэ ӣжесь тēдтмужэгуэйм.

Я тэсьт сōнн аввта ōрхэдэ, пӣльетҍ паенҍт э ре̄гккуэдтҍменҍ маӈьмусс соа̄нӭтҍ Удлэсь Кēбпьле: «Нёалл сāххплинкэтҍ ныдтҍ шэ эйй мэн. Кар!» – ӣджь тэсьт шэ кāдтэль.

«Бэдт шэ, – юррьтэль сāххплинкэнч, кōххт со̄нн вэххтэнне кāдтэль! Я мэ̄нн сōнн Нёал баяс кугкэлэ?» Сōнн эйй кӣрркна юррьтле, кōххт сōн э̄л ыштэ кэвьнӭхь, гу вуэххт. Нёалл, ку ыдтэй сōн эввьтэ, коа̄тӭ пугк чув. Лышшэ адтҍ Сāххплинка райя кōстэ маӈьмусс соа̄гк, кугкьха нюэммьленҍ. Тōӆӆькей Удлэсь Кēбпьля, мэ̄нн соннӭ пыххт «вуэхт» э̄ллтнэмушш. Сōнн пэре удлэнне чадцьклувэ пыҏс э кадцэнҍт ми ля̄йй вӣгкэ. «Вуэххт» мэ̄нн-ляннч вēрьт выххчедҍ сōн, ноа, удлэнне ка̄дхэменҍ сōн чальмесьт, кӯдтэй маӈас.

Удлэсь Кēбпьля кӯввьлей пя̄йхьт саесьт, кōз луэмэ. Сōнн эйй тōммтма сай, кōз поабпэхьт. Мэгк лийенҍ шӯрр лэгкьесь сӯгкесь ра̄зь югке эвьн лэсьтагуэйм. Эйй кугкь вуэӈса, сāххьплинкэнч тōӆӆькей: кэскэсьт мугка шӯрр роāзе эллинче пэӆтэсс, пэря ля̄ннч, мэ̄нн āв саесьт. Э тэсьт сōнн уйнэсьт ēллей нюаммэй вуэнч.

Удлэсь Кēбпьлясьт чōннткэсьт чēгладтӭшшкудӭ, э сōнн эйй кӣрркна юррьтле, ныдтҍ лыххк вай эйй ныдтҍ, вуэлльктувэ нюаммъе я сӯрьтэ сōн. Маӈӈа коāвнэ сада чāзь коабесьт, ку маӈӈа еххтъя абьресьт эйй кӣрркна вя̄л кōшшкэ. Сōнн югэ чāзь каллнэм райя. Маӈӈа мугка калль пōррмэсьт я я̄лла пэӆтэзэсьт, сāххплинка ōйхьтэ лоāтткнэмушш, э сōнн пые чоāӈӈэ коз-не вуэӈсэ.

Сāххплинка цовнэ тыкквэнь ӣнн, ку кукас уйтэнҍт, маӈӈа аллтнэнтэ. «Ми хэс тэдт ли», – юррьтэль Удлэсь Кēбпьля э выйтэ ӣжесь луэмнэм саесьт. Сōн альн кыртэч вя̄сьвеч пӯррэ коāвве, шоабшэй эвьнатҍ.

Сāххплинка воāльтэ вя̄л шуря тыкквэнҍ, мэ̄нн сōнн лыххк, куэссь чоāӈант вӯййкесьт эвьна сыз. Кӣче, кӣче я оаськлуэвэ кэ̄джьле сōнэсьт тэнн баяс.

– Тыкквэнҍ ēххксэнч, мэ̄нн тōнн лыгках эвьна сыссенҍ? Югах вэ̄р нēшшьпарь роазенҍ?

– Ж–ж–ж, мāнҍтэ мӣлхэммь Сāххплинк ли? Куэссь роа̄зенҍ ля̄йй вэ̄рр? Э вай мунн ля нюэзесь чуэраш, вай ля руввьт-пуар? Мушьт, нӯрр сāххплинкэнч, мунн ля Эввьн-Пуар. Мунн лыгка шувв тӯй, эвьнатҍ вēкьха мāльй лыххкэ, ж–ж, – куарксувэ сāххплинкне Эввьн-Пуар.

– Ель сēнтэнҍт, коāллэш Эввьн-Пуар, мунн эмм тāххтма тōн сēввьтэ, нюэзь цēӆӆьке. Мунн юррьтэ, вэ̄рр ли пугк ēлльенҍ.

– Тэнн баяс, ж – ж – ж, вуайй ēннэ мӣллвэсь сāррнмушшэ выгкэ. Мун нӯрр Кāннҍц, ноа мун саесьт нике эйй лыгк тэннвēрьт, мэннверьт мунн вуая лыххкэ.

– Кӯдтсэл тӣррвэнҍ, ж–ж–ж...

– Воāррэ тӣррвэнҍ, Эввьн-Пуар! – Томтсуввмушш тōнэнҍ мыннӭ роāм пыдтӭ.

Удлэсь Кēбпьля коале-манҍтэ рāза поҏст э пые пашшегке коāввнэ ēнҍ вуэӈк.

Сōнн карэ ныдтҍ вэххтэнне, эйй вуэмша, кōххт пэсьтэ котк пя̄сса. Ми тэсьт оāлкхувэ! Котк ёāффкудтӭнҍ, э̄ллькенҍ сōн оккнаххьтэ: «Мугка шӯрр сāххплинк, а кышшк сӣн пэҏт». Удлэсь Кēбпьленче шэнтэ оккнэ э сōнн вӯййк кӯтҍкесьт āнэ коткэнҍ эле сēнтнэ сōн э̄л.

– Вай тыйе мэйн-не вēкьхэ? – кэ̄джель сōнн коткэсьт, карса соннӭ.

– Ныдтҍ, мыйй удла вуайчепь моа̄ст цēӈкхэ пэҏт. Пыдтҍ мэнн-не вēрьт пēдзь нивлатҍ, – роаввсэнне цӣӆьке рӯппьсесь кōттк.

– Мунн вуая ве̄кьхэ, ноа а̄йка це̄ӆьк, ке̄гк тыйй ле̄бпэ, мунн вя̄л тӣнэгуэйм эмм томтсуввма.

Рис.1/4

– Мыйй Котк лēбпь. Мыйй тӯййшэпь котк пӣссетҍ я женънэпь кэ̄бп, мēвв кыррьтҍетҍ, тэнн тӯй лыххкмэсьт чāрэсьт пугк мӣнэтҍ шоабшэв э цыстэсьт лēбпь сӣнэнҍ. Адтҍ тōӆӆькьехь, манҍтэ нюэзесь тӯй тōнн лыххькехь, куэссь муррьтэхь мӣн пэҏт? – кэ̄джель кōттк.

– Ныдтҍ, ныдтҍ, елле сēннтэ, мунн тыйе вēхька, тэнн мыннӭ элля лōссэ лыххкэ.

Э Удлэсь Кēбпьля вāллтэдэ эфтэсьт коткэгуэйм тӯййшэ пэҏт. «Бэдт кыҏтэ, – юрьтэ сōнн, – Сāххплинк-ēннҍ аллк пя̄дцлушшэ мун пуэдтӭмь райя моāст».

Куэссь маӈьмусс суэйнэнч я нēвлэнч лийенҍ вуэллькта котк пēссь э̄л, Удлэсь Кēбпьля выммьдувэ моāст, ēнӭсь вуэӈк гоаррэ. Ноа тэсьт сōн аввта вӯрьтэ āйнхханна уййнлэдтмушш я рэ̄сс.

Удлэсь Кēбпьля каррэм вымесьт поабпэхьт вӯййкэсьт лāммпа. Сōнн нючке поавьнэсьт поаввна, кыҏт удла моадтҍ лāмьп карсэ, тэсьт сōн кēбпьля няфкэтҍ, э сōнн маль эйй уййтма лэ̄гкьесь чāзь вуэлла, тэсьт сōн луннҍ куллъессьтэнҍ ēххк ӣн.

– Тōнн ке ля̄хх? – тыве Сāххплинк, сӯрркна вуаййлэдтӭ лāмьп баяс я тэнн вагь баяс, кōнн соннӭ тыкквенҍ-ноале пӯдӭ мэннэ.

– Ква-а, ква-а, мунн ля Цуэмп, ква-ква. Оара, тōн э̄л кӣча, кōххт тōнн югке чōнънэмужэтҍ лыгках, ква, ква…

– А мэ̄нн мунн лыгка? Мунн моāст я̄ннсан кыҏта, э тэдта моадтҍ… Тōнн эгк сыйнэххьче вӣресь мāдта, а пэря вēкьхэххчехь мыннӭ тэста пēссэ поāгэ, – цӣӆьке сēннтма сāххплинк соннӭ.

– Вуая, ква-а мунн ква-а, мунн эмм ля вӯсьт, вēкьха, ква-а, тоннӭ. Ель кӯдтсэл мунэсьт, соарнънэдэмь? Нючкь лышшэ тоагэ, кōз мунн, ква-а, нюччкья, – цӣӆьке цуэмп я вēррьккудӭ авьтэмьбельт. Удлэсь Кēбпля эйй кӯдтсэллма, эйй ныдтҍ оаннма мугка нэ̄м. Цуэмп вēкехьт соннӭ ра̄ст ла̄мьп пēссэ… Сāххплинкэнч пāссьпужэ соннӭ э каррэль эвтэс, ōдзэ ӣжесь вуэӈк.

Сāххплинк-ēннҍ кэ̄рэнҍт пугк-весь чāр мӣлльтэ, ōдзмэнҍ сōн.

– Сāххплинк-я̄нна, Сāххплинк-я̄нна тала мунн ля.

– Сāххплинк-ēннҍ карэсьт аллкась, эпьсе сōн пыҏс, сада сēввьтэль тэсьт, мэ̄йт сōнн кугкь эллий.

– Я̄ннъням, ель сēвьт мун. Мунн чāрэнҍ тāрьм томтсувнэ. Тēдах, манҍтэ сōнн ли тыкквэнҍ я мōдже. Э Удлэсь Кēбпьля вэххтэнченҍ поҏст пугк, мэ̄нн ēннҍ соннӭ лыгкэ, э эльке моа̄йнсе ӣжесь рэ̄сс тӯе баяс, выййтма чāрэсьтт.

 

Уййнлэдтмушш

Рис.1/8

Удць сāххплинкэнч нēгк нагкар, гудэль сōнн поабпэхьт пāкь э̄л, касьт ēннэ-ēннэ эвнҍнедтӭ, месткэдтӭ, сӯййнэ шаннт. Я сōнн тэль кэ̄рант тэнн пāкь мӣлльтэ, мэнн-ля̄ннч оадз э эйй вуэй коāввнэ чофта бэдтӭй соннӭ ка̄вьн. Ми эллиххче, а сōнн кāввн тэнн кāвьн. Сōнха элля кӯдтье ēлльменҍ ēммьне альн. Тала, касьт э пӯдӭ, кырьтэсьт сōн э̄л пыре шӯрр лоаннҍт вāннтсэгуэйм пырр чильме. Удлэсь Кēбпьля суэххптадт, пēзант муйхькхэ тэнн лоанҍтэсьт э эйй вуэй. Мōджесь ēммьне, эвьна, сӯйн, гудэль лоанҍт пēль лев. Сāххплинка вуэйвесьт пэре удлэнне пай пыҏс чōнант э̄ххт тэдт юррт, кōххт вуэйххьтэ тэнна пэӆтэз куллмуж. Ēннҍ пай соннӭ сāрнэ, го сāмь сāххплинкэнч аллк пэ̄ллэ, никуэссь эйй вуанч ēлешкуэдтӭ чāрэсьт. Ноа кōххт соннӭ, мугка вя̄л удцьхэнче, вуэйххьтэ тэнн пэӆтэз куллмуж, куэссь тэдта кывьнэхь сōн альн ныдтҍ э лāбп.

Удлэсь Кēбпьля коāххч вēххькенҍ ēнҍ э руэкхалл.

– Я̄ннъням, я̄ннъням, – сӯрркнэнч мэ̄нн-ля̄ннч сāрнэ Удлэсь Кēбпьля.

– Алкням, тэдт сāннҍда лоанньт – Ся̄м-Пигки лоаннҍт мӣн рēххьк ли. Тōнн вӯаррьдув, ель поабпхэл сōн поāнӭтҍ я лӣнч эле пэ̄ллэй Сāххплинканҍ, – удцэ алькесь ēннь.

– Ēннэ мӣнэнҍ ли рēххьке, я̄ннъням? – кэ̄джель Сāххплинк.

– Кōххт югке ēлльесьт, ноа тōнн мāтҍ мэнънэ пэӆтэз э линч луйххькай, мудта-налла эгк вуанч ӣжянт поҏтэ.

– Я̄ннъням, мунн ныдтҍ тāта пōррэ, тōнн тэнн пāль мыннӭ мушштхэхь, – цӣӆьке Удлэсь Кēбпьля. Мушштъеменҍ ӣжесь курас чуэйв баяс, сōнн вōфьсе вуаййлэдтӭ ыйй пэӆтэзэтҍ.

– А̄ййк пӯдӭ мя̄ххца ёадтӭ, алкням, – цӣӆьке Сāххплинк-ēннҍ.

Сыйй вэ̄лльенҍ вуэӈкэсьт я каррлэнҍ чāр мӣлльтэ. Ӣнцка ля̄йй поāххк я саҏҏьтай, тэнн гуэйке пēрркэ ля̄йй ēннэ. Кэ̄сс пӯййт сӯкс кя̄сстэднэнҍ оāвтнэдсэ пēйвесьт. Удлэсь Кēбпьля я сōн ēннҍ элэлэ кӣрркнэ̄ннҍтэнҍ сӣнэтҍ нӣллэ.

Тала Удлэсь Кēбпьля уйнэсьт, мӣ-ля̄ннч чофта мōджесь я чуввесь кыртач рāзасьт рāзне. Соннӭ пэре тыкквэнҍ ля̄йй тэдт ēллей, я каррэль сōн мӣлльтэ.

Сāххплинк-ēннҍ уйнэсьт, кōххт аллка мӣлтэ āлльп, эйй аллка лэ̄ӈӈкэ сōн, юррьтэль: «Оаннҍ ӣджь тēдсалл чāр. Соннӭ бэдт шӯррнэ я тоавасмэ. Ни э̄ххт сāххплинк-нӣӈӈлэзенч эйй выльшэхьт са̄мхэмь са̄ххплинка э̄л э эйй пӣрасладтҍ сōн».

Рис.1/4

Удлэсь Кēбпьля карэ ēллей мӣлльтэ лоāтткнэм райя. Сōнн ышштэль маӈӈь кēбпьляе э̄л вуэӈсэ я мӣрьхассьтэ манҍтэ – не ра̄зь. Тэсьт тэдт ēллей ышштэль соннӭ вӯййкесьт нюнҍ э̄л.

Кēбпьля тыкквэнна кēджь эллий. Я, кӣххчменҍ тэнн тыкквэнҍ э̄л кōммьтэсь чильмегуэйм, сōнн эвтнэменҍ, кэ̄джель:

– Тō… ōн кē… ē ля̄хх?

– Мунн Āлльпэнч ля, мыннӭ чофта ли шӣг тōнэнҍ сӣррэ, тōнн мугка ля̄хх тӣшшяй, вēҏтэдэ, чōнэнҍт мōджесь Āлльпэнч.

– Мэ̄йт мунн ля тӣшшяй? – сēнтэ сāххплинкэнч.

– То̄нэсьт тӣшшьенне рōдтал нюнҍ кя̄жя каррэм пāль, я лыгкнэв оāбпан, гудэль сыйй ӣджьнэсь ēллев, — цӣӆьке вēҏтэдтэй.

– Ми оāбпан! Мунн сӣнэгуэйм роāтткла пēрк, ку тēххтал мыннӭ вāрэсьт. Тōнэсьт ӣджьсант, Āлльп, ныдтҍ шэ лев оа̄бпан, – Сāххплинк та̄тэ чōххклэ Āлльпе.

– Ныдтҍ э мунэсьт кӯххт лев, а тōнэсьт ēннэ ли, тэдт э лӣ тӣшшяй, – сыйнэнҍт Алльпенч.

– Сōнн чēглэдтӭ оāбпнагуэйм Сāххплинк нюнҍ, э тэдт эйй кӣҏҏшма я ӣннҍенне кашнэ. Āлльп эйй вуаййма тӯлльедтэ э лōӈӈэнҍ Удлэсь Кēбпьля нюнасьт.

– Мāнҍтэ ля̄хх нюэссь! Эгк мāтҍ мōджьтэнне нӣйтэгуэйм сāррнэ! – сōнн лыгкхэлэшкудӭ суаягуэйм я кыррьтэль поāгэ.

– Кӣч, манҍтэ мōджесь коāвншувэ! – поазэнҍт Āлльпе э̄л сāххплинкэнч. Э тэсьт сōнн куӆст вя̄л ēллей ӣн ēнас юэлкагуэйм.

– Тэгк, кēххьпесьвуэйв Āлльпе лев, ель куллтэль сӣнэтҍ.

– А ке тōнн ля̄хх, коāллэш? – кэ̄джель Удлэсь Кēбпьля.

– Мунн ля Оāз – сама мӣллвэсь тэнна агкса чāрэсьт. Мунн ню̄ммэ пугк ча̄р чӯххксэтҍ я поāллксэтҍ э эйй кӯдтҍя ними, мэ̄нн мунн эмм тēдче. Сāрн, мэ̄нн баяс юртах я мэ̄нн тōнн та̄тчехь тӣдтӭ, мунн пугк моāйнса:

– Оар, оар, мунн мушштъе: мунн та̄тче тӣдтӭ, мэ̄нн ōдзе нагкрэсьт. Тэдт мӣ-ля̄ннч ля̄йй шӯрр ōдзэй пāйххьк мыннӭ, – цӣӆьке чофта пя̄дцлуввма Удлэсь Кēбпьля.

– Моāйнэсьт мыннӭ тэнн нагкар, – āнэсьт Оāз.

Удлэсь Кēбпьля моāйнэсьт нагкар, я Оāз кугкьлаххка юррьтлувэ, мэ̄нэ оāйххьк а̄ййк, Оāз элмсэдтӭ.

– Мунн āррьвдӭ, мэ̄нн тōнн ōдзехь, эльке моāйнсе мӣллвэсь Оа̄з, тōнн ōдзехь Кāнҍц.

– Ми ли Кāннҍц? – кэ̄джель тыкквэнҍлуввма сāххплинкэнч.

– Кāннҍц ли пэре альтэсь ēллей, кēйн пай ля̄хх эфтэсьт, – цӣӆьке тōӆкхэмесь сāххплинкне мӣллвэсь оāз.

– А касьт мыннӭ коа̄ввнэ, сōнн ке ли – Нюэммель? Цуэмп? Кōттк? Āлльп? Ке ли кāннҍц? – тāтэ пугк тӣдтӭ Удлэсь Кēбьпля.

Рис.1/2

– Кāннҍценҍ вуайй шэ̄ннтэ югкьенч. Кāннҍц – тэдт ли, ке тōн пя̄сст мāдэсьт, пыххтал роам. Ля̄ннч вай Нюэммель, вай Цуэмп, вай Сāххплинк. Тоннӭ бэдт коāввнэ Кāнҍц, танна тоннӭ кēххьпся ля̄ннч ēлле. Оаска, тōнн тōӆӆькьехь мун, сāххплинкэнч? Адтҍ кар, мунн тāта вуэдҍсе, – мӣллвэсь Оāз коāтӭ чильметҍ я нōххккудӭ.

Сāххплинкэнч карэ, а вуэйвесьт оарэ пай э̄ххт тэдт сāннҍ «Кāннҍц».

Āйнханна соннӭ чӯххкэ альн пӯдӭ вуэсста удць ёгенч, сōнн ля̄йй удлэсь я кӯшшькай. Сāххплинкне эйй кӣҏшха поабпхэ ныпьп рыннта, э сōнн оаськлувэ каррэ раст кӣдҍке мӣлльтэ. Пугк ёдӭ пуэраст, ноа маӈьмусс кя̄дкэн оччтэдэ ниввьляй, э Удлэсь Кēбпленч эльке кӣрсэ сōнэсьт чāдза. Сōнн эйй мāххта вӯйе. Ми ля̄йй вӣгкэ Удлэсь Кēбпьля нёадзэль кēбпьлягуэйм сӯйнэтҍ, кугк лийенҍ кӣссма кēдҍк, лиххч пēссэ, эле кэ̄ццкэ.

Тэсьт соннӭ вēххькенҍ касьт – ляннч пудӭ лоантэнч, удць ля̄йй, я пэре сӯрэв. Сōнн ыдтэй ча̄зесьт, кадцесьт Удлэсь Кēбпьля сэ̄ххсмэнҍ я элькэ кēссе рыннта. Эфтэсьт сыйй ӣллькьенҍ тӯй. Сāххплинэнч лаффькэль, лаффҍкэль, фыҏҏшэль нюнӭнҍ, пēзэ ēлльменҍ.

– Шӯрр па̄ссьпе, тōнн вēкьхехь мыннӭ. Цēӆьк, ке тōнн ля̄хх?

– Мӯнн ля цыза Оллепь. Мунн роāммшэда-вӯннче тоннӭ вēкьхе, удць сāххплинкэнч, – цӣӆьке лоантэнч э чоāӈӈэль сада вя̄ррта чāдза. Манҍтэ тōнн ляхх пэ̄лхэмесь! Тōнн эгк пэ̄л чāзесьт. Мӯнн ныдтҍ тōн уййнлужа, – кыйхьтэ Сāххплинкэнч Оллепь.

– Тэдт ли ныдтҍ, тэсьт пэ̄ллмушш элля, Кēбпьля, мунн тэнна ёгясьт я̄ла, э пēррк мун ли сōн поанӭсьт, тамьпе шэ мунн шэ̄ннта я пайна ӣжджян пӯратҍ, – цӣӆьке Оллепь.

– Ныдтҍ вял пōдтал, куэссь лоантэнч я̄лл чāзь вӯлленҍ? Мӯнн уййнлэ лоантатҍ, кугк э̄ллгэнне альмесьт кыртчев. Сӣнэ баяс мыннӭ э я̄нна моāйнэсьт, ноа сōнн нимэнн эйй моāйнса лонҍтэ баяс, кугк ēллев чāзь вӯлленҍ, — кыйхьтэнҍ са̄рнэ Удлэсь Кēбпьля.

– Сāххплинкэнч, тōнн вял ēннэ тӣдҍсах ӣжянт ēллемь баесьт. Тэдт ныдтҍ ли шӣг коавнънэ пай ōдт я ōдт поāйхькэтҍ я̄ллмужэсьт. Тэль тōнн э ко̄шшькехь, вуайй э каррэ ӣжянт тӯе мӣлльтэ, а мыннӭ кугкь сāррнэ элля куэссь. Кар, удцьха, ча̄рр тōн вуэррт, – цӣӆьке Оллепь я чоāӈӈэль ёгке.

Пугк ляйй шӯрр тыввь: эвьна, лоанҍт, югке кыррьтэй, нāвьт. Югке пēййв пай ēна ōдт я ōдт тēдэтҍ пыххтэль чāрр я ōдт тōммтсэтҍ лашшенҍ.

Удлэсь Кēбпьля шоабэшьт куллтлэ кӣг, ку кугкхэлэ кукас пыҏс, кӣче, кōххт Чāдзь-лоанҍт копчнэднэнҍ муэдӭгуэйм я̄вьр альн, кōххт сыйй пыйнэнҍ мэнӭтҍ пя̄сса, я пӯра ёррплэнҍ юэлкасьт юэлка э̄л, элэлэ кӣрркнэннҍтэнҍ ēннӭсь мӣлльтэ я̄вьр рыннта я пэ̄лханна кэдчнэнҍ чāдза.

А э̄ххьтэшьт Удлэсь Кēбпьля каррмэнҍ сӯксэтҍ ōдзэ, оччтэдэ мōджесь пāкь альн. Тамьпе югке эвьнанҍ пыҏс шӣг лэ̄гк ёдӭ, я мāнҍтэ лышшэ ēммьне ēллей ев ню̄мна, я вуэсста пӯдӭ шӯрр чōаххьпесь тэӊэдэй Чуэраш. Сыйй сада сōнэнҍ шӯжсэнҍ, э Чуэраш кыррьтэль ӣжесь гоаррэ, коз сōнн э ёадтҍя ля̄йй. Удлэсь Ке̄бпьля тэсьт уйнэсьт Вуэррев, ку сӯрвэнне вычке мӯрэсьт мӯрре, ēммьне э̄л, ēммьнесьт аввта суэгь э̄л. Сāххплинкэнч карэсьт соннӭ я кэ̄джель, мэ̄йт сōнн ныдтҍ выччк тоагэ – тӣге, э со̄нн эйй кӣрркнэнт уййнэ, куэссь касьт сōнн ли, кāдхалл чальмесьт.

– Кōххт тэдт мунн вычка?! – сēннтэль Вуэррев. Мунн пāцкэтҍ, кӯммпрэтҍ копча, чӣнндэда тāлвас, а тōнн, кӣча, вычках лыгкха э вӯлха, – Вуэррев нюччкей суэгь э̄л э луэмэ ӣжесь вӯввта.

А оāфкхуввма сāххплинкне эйй кӯдтҍя мэ̄нн лыххкэ, кōххт эвтэс каррэ. Тала касьт э ля̄ннч пуадтма, сōн э̄л нюамэ кывьнӭхь, Удлэсь Кēбпьля пугк тӯррэй. Сōнн куӆст учкесь пэӆтэз я пēкнэшкудӭ. Соннӭ кōххт-не пēссэ лиххч тэнн кывьнхэсьт. Кēбпьля мушштэй, кōххт пēкэнҍт пэӆтэзэсьт нагкрэсьт, а тэль тэдт нагерь э̄ллмсэ пӯдӭ. Удлэсь Кēбпьля кулл – вӣгхувант, а Ся̄м – Пигке лоаннҍт ня̄дз кэнцэгуэйм вӯййкесьт чāпхэ. Тала Удлэсь Кēбпьля куӆст пычк, ку ёдӭ ēммьне удць луамасьт:

– Удла тӣге, тӣге, удла луэм, Удлэсь Кēбпьля!

Э сāххплинкэнч шуркэ удла луамма – кӯдӭ Пигке лоāнҍт пēркха. Со̄нэсьт кӯттҍк ныдтҍ нючке, сōнн эйй вуаййма сāнҍ цēӆӆьке ӣжесь ōдт ēххксэ. Кя̄джя пэӆтэсс лӯшшьтэ сōн удць куэтка.

Мōджесь Коаннҍт – Сāххплинк цӣӆьке:

– Пэре пэӆтэсс ля̄йй?

– Чофта шӯрр вагкь ля̄йй, пай вял нюна роадтмэнҍ, – цӣӆьке Удлэсь Кēбпьля.

– Тēдах мэ̄нн, Кēбпьля, аллькепь кāнҍцьюшшэ, – цӣӆьке Коаннҍт – Са̄ххплинк.

– Кāнҍцьюшшэ?! Тōнн лӣннчехь мун Кāннҍц, ныдтҍ? – роāммшэдэ Удлэсь Кēбпьля.

– Ноа, ныдтҍ, Кāннҍц, – вя̄л вуэр цӣӆьке Коаннҍт – Сāххплинк.

– Тэдт ли чофта шӣг, чофта шӣг! – кугкхэлэ Удлэсь Кēбпьля. – Мунн коāввьнэ ӣджьсан кāнҍц! Мунн коāввьнэ ӣджьсан кāнҍц! Мунн ныдтҍ кугкь тōн ōдзе! – сōнн роāммшэдэ. Оāз эйй вӯййлаххта сōн, сāрнэ, кāннҍц вēкахт, э сōнн коāвнэ мугка кāнҍц, пэря цēӆӆьке мӣлса, ку пӣсьтэ сōн Пигке лоанҍтэсьт. Э тэдт ля̄йй мугка роāмм э мугка шӯрр вуэссь Удлэсь Кēбпьля гуэйке.

Мӣлса

Рис.1/8

Удлэсь Кēбпьля кāнҍц кōххчешь Оанҍхесь Кēбпьля. Сōнн ля̄йй пэре мōджесь сāххплинк. Сōнэсьт сэфс ля̄йй чоа̄ххьпесь чӯегуэйм э коāшштэдэ чоāххптамушша, мэ̄нн коаннҍт сāххплинкэнҍ.

Удлэсь Кēбпьля тэннханна мӣлтэ Оанҍхесь Кēбпьле я пай чинндэдэнҍт соннӭ алльтла лӣннчле. Эфтэсьт сыйй мēххьцтэнҍ, соāгнэнҍ пēрк, эфтэсьт кэ̄рнэнҍ чāр мӣлльтэ, сӣрнэнҍ, куэссь вӯӈнэнҍ лыгкэсьт. Э̄ххьтэшьт Оанҍхесь Кēбпьля коадчесьт Удлэсь Кēбпьля каррэ пāкь э̄л, касьт соннӭ пэре лийенҍ мӣллэ мӣлльтэ эвьна я югке рāзь. Ныдтҍ мōджьтэнне сōнн моāйнэсьт сӣнэ баяс, Удлэсь Кēбпьле эйй кӯдтъя нимэнн лыххкэ я мӣдӭ сōн тāххтмуж:

– Кōххт ця̄ӆках, Оанҍхесь Кēбпьля. Мунн шоабша каррэ чāр мӣлльтэ. Тāтах пāкь э̄л, мунн эмм ля туэресь. Тэсьт каррлэнҍ я выммьдуввенҍ мӣллсуввма кāнҍц. Кэ̄ррэнҍ, а Удлэсь Кēбпьля пай чиннлувэнҍт алльтла, кōххт лышшэ вуайй.

Сыйй ев оанҍхесь вāр воāлша, кугкь пӯдӭ каррэ тэнн пāкь райя, я тамьпе Оанҍхесь Кēбпьля вӯзехьт соннӭ пэре мōджесь месткэтҍ, мāнҍтэ Удлэсь Кēбпля элля уййнма никуэссь. Местэг удць чӯввесь-рӯппьсесь келля кӣххьченҍ паяс, гудэль ӣввьченҍ пяйва ӣжесь вӣллькесь ню̄ххчмагуэйм.

Удлэсь Кēбпьля ля̄йй вуассай сӣн лэ̄гэсьт, я вуэзь вял лажхэлэ соннӭ поāлльтэ каррэй мōджесь Оанҍхесь Кēбпьленч, сōн кугкь ōдзма ка̄ннҍц.

Тала соннӭ тāтэсьт кӣххчле ка̄нцесь сӯбпесьвуд я мӣлса, э тэсьт сōнн э элмсувэ:

– Мунн эмм вуэй коāввнэ соāгэтҍ, коāллэш Оанҍхесь Кēбпьля, кугк вуанчьченҍ тōннӭ сāррнӭ, кōххт мунн тōн шоабша я манҍтэ ли кӯтҍк куллмушш я мӣлса. Мунн ля вуассай тōнэнҍ поāлльтэ э тāта мӣнэнҍ лиххченҍ пāррнэ, пӣрас, ēннэ-ēннэ мōджесь удць сāххплинкэнче.

– Мунн шӣта, коа̄ллэш мӣллса Кēбпьля. Тōнн тэль го мāнҍтэ тоавас я лоāччкэль ля̄хх, мугка кāллас мыннӭ бэдт э ажь мун пāррнэтҍ.

Удлэсь Кēбпьля эльке ōдзэ рāйк ēммьнесьт, коз лихч суаӈӈэ ӣжесь мӣлсанҍ, уййтэ пугк туэресьпельт чӣльменҍ поāгэ. Тэдт ли ныдтҍ шӣг, куэссь кулах ӣжянт эйй сāххплинканҍ, а ēнн ё тоавас сāххплинкэнҍ, ку вуайй ё пӣраслуввэ я пя̄ллшэ мӣлсась. Удлэсь Кēбпьля ныдтҍ роа̄ммгудӭ, пыдтӭ кāннцась шӯрр пӯййт сӯкс. Оанҍхесь āйкэсьт мӣлса ēннэ ӣӈк сӯбпесьвуд я кӯтҍк поāххвуд лоāйххенҍ кāнҍц кāннцась. Сыйй пай удлэнне кэ̄рнэнҍ, эйй – выччкенҍ пāкь мӣлльтэ, юхснэнҍ кāнҍц кāнҍцесь.

Удлэсь Кēбпьля, Удлэсь Кēбпьля, кӣч, – кугкехьт мӣлсасась Оанҍхесь Кēбпьля. – Кӣйе, кӣйе. Вэҏс кӣйе! Рēххьк касьт-ля̄ннч альт ли, ōз пя̄йххьт сай.

Удлэсь Кēбпьля вэххтэнне āррьведҍ э̄ллтнэй вāгь э элькэ суэххптэдтэ тоагэ – тӣге, ōдзэ чӣӈӈлэсс вуэӈк ēммьнесьт.

Оанҍхесь Кēбпьля кӣче, вāрьме скрудтҍ эйй ыдтъеххьче рēххьк. Лышшэ Удлэсь Кēбпьля коāвнэ рāйк ēммьнесьт, кōххт сōн ка̄ннҍц рēгккудӭ:

Рис.1/4

– Кӣч, Кēбпьля, сōнн ли маӈемьбельт, ӣджь Оанҍхесь Кēбпьля ōййкьювэ рōдтҍя ēммьнесьт лāфф мурр чӯлт вуэлла.

Удлэсь Кēбпьля чāлльм кӣженҍ кӣрркэнҍ уйнсе, кōз луэмэ сōн кāннҍц, я кыррлэдтӭ ныдтҍ шэ луэммэ ēммьне вуэлла. Эйй кӣрркна сōнн ōййкьюввэ рāййка, кōххт кēнҍцесь – вуэййв пӯййт юксэ сōн. Удлэсь Кēбпьля вуанченҍт уййтэ чйӈӈла ēммьне вуэлла, ноа пӯйт ля̄йй сӯрэв. Сōнн ныдтҍ та̄тэ кадцьсе шыл, кēссе вуэӈкэсҍт, пӯдӭ лӯшштлэ кэнцэтҍ э нюнҍ вēххькенҍ.

Удлэсь Кēбпьля юррьтэль: пӯдӭ соннӭ кēджь, ноа ēммьнесьт ли туэресь ра̄ййк, кōз рēххьк эйй ё вуанч вуаллэ. Удлэсь Кēбпьля тоагэ шуркэ. Сōнн ля̄йй пя̄сста соарьмесьт. Ноа ми шэнтэ сōн мӣлсанҍ, эйй сōнн, рāффьк, тӣдҍ.

Удлэсь Кēбпьля мушьтэ, кōнн гоарренҍ ля̄йй ёррма мӯрр чӯллт э ва̄ллтэдэ ваййшэнне рāбпэ ӣджясь чӯххкэ, кōххт – не вēкьхе лиххч Оаҍхесь Кēбпьленче.

Пӯййт то̄ӆӆькей, пуадтрэдтӭ Сāххплинк я поазэ. Ноа тэсьт шэ мушштэй, уйнэ вял эфт Сāххплинк, ку луэмэ шӯрр лāфф чӯлт вуэлла. Выййтменҍ ēммьне чӣӈӈлэзэсьт пӯййт вуэлльктувэ сōн ōдзэ. Аппьсменҍ чӯлт сōнн куӆст Коаннҍт Сāххплинк лэ̄г э эльке ра̄бпэ ēммьне, воāллмаш ля̄йй нымьп сāххплинк кадцьсе ӣжесь пасстлесь поāнӭгуэйм.

Оанҍхесь Кēбпьля чоа̄ӈэ лāф сыз я оарэ, вӯйнсе эйй тӯсстма.

Сōнн югке ӣжесь сэфс кя̄жянҍ кулэ, кōххт соаррьм э̄ллтнаннт. Лышшэ э̄ххт роāммшэдтӭ Оанҍхесь Ке̄бпьля: сōн мӣлса ли ēлльменҍ, го соаррьм ныдтҍ удлэнне вуэлльктувэ сōн ōдзэ.

Нāввьт кэнцэгуэйм кэшкэ лāф. Вял сада вӣгэтҍ пыййле, э Оанҍхесь Кēбпьле ё элля кōз ēна чоāӈӈэ, эвтэс ля̄йй ēммьне.

Ноа тэсьт выйтэ вӯрьтнаххьтэмь тӯйй. Ēммьне сōн вӯлленҍ эльке чоāввэ, э Оанҍхесь Кēбпьля уйнэсьт ӣжесь мӣлса оāбпнэтҍ я нюнҍ. Роамм пугк сыська тӣвтэ.

Кēбпьля кадцэсьт Оанҍхесь Кēбпьля я кӣзе коабпа, эйй аннта соннӭ āвьдэ ня̄льм. Сыйй уййтэнҍ ēммьне пя̄йхьт чӯххэтҍ. Мӣллса куххьклэжэсьт кулленҍ, кōххт пӯййт пычке, гу тōӆӆькей – пуадтрэдтӭ э нымьп пēрк. Э мӣлса пашшегке кыррлэххьтэнҍ уййтэ чӣӈӈла ēммьне вуэлла, луэммэ я вӯррьтлассьтэ а̄йк.

Мӯрр вуаннтсэ вӯлленҍ оччтэдэ пэре мōджесь я кōммьтэсь вуэӈӈк, э мӣлса пыйенҍ лыххкэ сōн ӣжесь ēллемь сэенҍ. Ēммьне вӯлленҍ пēррк элля вāптэгк, пашшегке ля̄йй, э сыйй ӣлленҍ сэ̄гкесьт. Эйй ēннэ пēййве сыйй ӣлленҍ пуэраст: шоабшэнҍ э лоāлленҍ кāнҍц кāнҍцесь.

– Удлэсь Кēбпьля, – цӣӆьке э̄ххьтэшьт Оанҍхесь Кēбпьля, – пӯдэ āййк алльтла пэ̄ҏҏьтэ ёадтӭ, мунн вэххтэнне шэ̄ннта.

– Я мэ̄йт, мӣлса, мунн пугк кӣча я кыррлаххьтэпь.

Удлэсь Кēбпьля кӣче пугк суаӈӈэм э выййтэмь роāйкетҍ, пырр ля̄йй юэв. Ноа вāрр эллий оанӭхь пāкесьт валас. Кōххт вуаннч Оанҍхесь Кēбпьля ēгке вāр – тэдт чофта пя̄дцлэдтӭ пуэдтӭй ажь. Тэсьт цысст Ӣммьле, нӯрр пӣрас пуэраст кōстэ ӣжесь пэҏт райя чāр нёллькесь е̄ммьнесьт.

Куэссь Оанҍхесь Кēбпьля тэль – тэль шэ̄ннтад, пя̄дцэль сōн поҏтэ воāльтэ Кēбпьля ӣжесь э̄л. Сōнн пыххтэль мӯрьетҍ, куэссь югке е̄ммьне сӯксэтҍ, мудта вуэр э рāссь тугкэтҍ.

Э э̄ххьтэшьт, куэссь сōнн пӯдӭ пēрк ōдзмэнҍ, Удлэсь Кēбпьля уйнэсьт пэҏтэсьт кӯдтс кудцнедтӭ. Сыйй нимменҍ ēнҍ, ня̄ммьдуввма ӣжесь па̄льяс я тӣшшьесь роаӈкагуэйм я̄ннас.

– Тӣрхва тōнн, аджь, — цӣӆьке Оанҍхесь Кēбпьля, – тōнэсьт лēв мōджесь парна.

Мӣлкнесьт эпьсе удцьхатҍ Удлэсь Кēбпьля, ыштэ поāлльтэ сӣн ӣннӭнҍ, тӣввта вӯзенҍ э куаркэнҍ.

Адтҍ сōнн ли зоāбэль кāллесь я пӣраснэххьк Сāххплинк – аджь. Удлэсь Кēбпьля кāххьтэль чильметҍ э лыйхьпсувэнҍт аппьсменҍ тэнн вуэзь лэ̄г.

Я̄лл ёдӭ эвтэс. Адтҍ ё Удлэсь Кēбпьля я Оанҍхесь Кēбпьля пāррнэнҍ авьтэмьбельт лев ōдт томтсуввмуж, чāр тēдсэллмуж. Э ныдтҍ пай ля̄ннч агесь.

Перевод А. А. Антоновой[1]

 

ПРИКЛЮЧЕНИЯ МЫШОНКА УДЛЭСЬ КЕБПЬЛЯ

 

Знакомство

 

Рис.1/8

Вместо шести-семи детенышей, как положено полевкам, Мышь родила всего одного, чем вызвала неодобрение всей своей мышиной родни. Детеныш рос любопытным и шустрым, и Мышь назвала его Сахплиннк Удлэсь Кебпьля, что означало Мышонок Быстрые Лапки. Как-то раз убежала мать на поиски пищи, а Удлэсь Кебпьля выпрыгнул из норы, чтоб посмотреть, что же там, наверху, делается. Сразу же ему в глаза брызнул ослепительный солнечный свет. Малыш, зажмурив глазенки, зашевелил носиком и длинными усами. Немного привыкнув к новым ощущениям, Удлэсь Кебпьля сделал несколько движений в сторону от норки. Его любопытство привлек комар – комар, который крутился вокруг его мордочки и один раз больно укусил в самый кончик носа.

– Кто ты такой, что сделал мне больно? – возмущенно спросил он комара.

– З-з-з... Мунн Чушшк-Уммь – я Комариха-Пискун, и я ничего сегодня не пила з-з-з... Я хочу крови з-з-з... Я умру без крови! Если, з-з-з… ты разрешишь мне з-з-з… сделать хоть один глоток, я буду тебе очень признательна и постараюсь сделать это не слишком больно з-з-з...

– Хорошо, если только один глоток, – снисходительно разрешил Быстрые Лапки и зажмурился.

Чушшк-уммь впилась мышонку прямо в нос, но оказалась настоящей жадиной, и это разозлило Быстрые Лапки. Он своим хвостиком ударил комариху так, что ушиб ее.

– Что ты, з-з-з… сделал, гадкий мышонок?! – пропищала Чушшк-уммь. – Ты з-з-з… убил меня...

– Но ведь мы договаривались на один глоток, а ты впилась мне в нос и выпила из него всю кровь. Это нечестно.

– Я умираю! З-з-з… умираю з-з-з… – кричала Чушшк-уммь, но Сахплиннку надоело на нее смотреть, и он помчался дальше. Под ногами приятно пружинил ягель.

Вскоре мышонок резко почувствовал, что проголодался, и стал искать, чем бы подкрепиться. Чарр-Тундра хранила в себе большой запас разных вкусненьких травинок, семян. Можно было погрызть кору молоденьких деревьев, и Быстрые Лапки неплохо позавтракал. Тут он заметил невдалеке от себя огромное серое существо, которое, услышав его шорох, насторожилось и зашевелило длинными ушами, готовое в случае опасности сразу отскочить в сторону.

И вновь в мышонке возникло нестерпимое любопытство. Он решил непременно с этой «горой» познакомиться.

– Ты кто? – спросил Быстрые Лапки.

Рис.1/8

– Мунн нюэммель – я заяц. Ну, сахплиннк, ты и напугал меня своим топотом!

– Разве мы с тобой знакомы? И разве можно испугать тебя? – удивился Быстрые Лапки.

– Ещё как можно. Вот нёалл – песец выскочит из-за кустов, и я буду у него в зубах. Перед ним я столь же мал, как и ты передо мной, только с одной разницей: я мышей не ем, а нёалл зайцев – обожает.

— Разве здесь есть такие здоровенные великаны? — поразился мышонок.

– Конечно, есть. Но самый большой великан в тундре талл – медведь, – рад был поделиться своими знаниями нюэммель.

Но тут заяц вновь насторожился и, крикнув Удлэсь Кебпьле: «Нёалл мышами тоже не брезгует! Беги!» – тут же исчез из виду.

«Надо же, – подумал мышонок, – как он быстро скрылся. И что это он насчет нёалла кричал?»

Не успел он это подумать, как его, словно туча солнце, закрыла чья-то тень. Нёалл, который появился перед ним, загородил собой весь свет. Только теперь до сахплиннка дошел смысл последней фразы, брошенной зайцем. Понял Быстрые Лапки, чем грозит ему приближение этой «тучи». Он резко развернулся и бросился наутек. «Туча» какое-то время преследовала его, но вскоре, потеряв из виду, отстала.

Рис.1/8

Быстрые Лапки высунул мордочку из укрытия, в котором спрятался, огляделся. Он не узнавал место, куда попал. Это были заросли каких-то растений-гигантов, усыпанных чашечками соцветий. Немного отдышавшись, мышонок понял, что в этих зарослях будет куда безопаснее, чем на открытом месте. И тут он увидел ползущее существо, которое ему, к его ужасу, захотелось съесть.

В горле у мышонка защекотало, и он, не успев подумать, хорошо поступает или плохо, набросился на мадт – червя и съел его. Затем нашел немного воды в ямке. Влага не успела испариться после вчерашнего дождя, и мышонок с удовольствием напился. После сытного обеда и пережитого испуга его разморило, и он решил укрыться где-нибудь, чтобы передохнуть.

Сахплиннка разбудило странное жужжание, оно то удалялось, то приближалось.

Рис.1/8

– Что бы это значило? – подумал Быстрые Лапки и вылез из своего укрытия. Над ним кружила пчела.

Мышонка заинтересовало, что она делает, заползая прямо в цветочную головку. Понаблюдав за ней, он решился спросить:

– Чудесная незнакомка, что это вы делаете в цветах? Пьете кровь бедных растений?

– Ж-ж-ж… какой глупый сахплиннк! Разве у растений есть кровь? Разве я презренный комар или слепень? Запомни, мышонок, мунн – Э ввьн-пуар – я пчела-цветочница ж-ж-ж... Я занимаюсь благородным делом, ж-ж-ж – опыляю соцветия и собираю нектар, – с гордостью отвечала мышонку пчела.

– Простите меня, уважаемая Эввьн-пуар, но я не хотел вас обидеть, я думал, кровь есть у всего живого.

– По этому поводу, ж-ж-ж… можно много философствовать, мунн нурр канньц – мой молодой друг, но за меня никто не выполнит мою работу. Прощай, ж-ж-ж...

– Прощай, пчела-цветочница, я рад знакомству с тобой.

Немного пожевав зелени, Быстрые Лапки решил все же отыскать свою норку и успокоить мышь-мать.

Он бежал так быстро, что не заметил, как врезался в коттк пясса – муравейник. Что тут началось! Муравьи заползали, заметались, стали упрекать его, что он такой большой, а разоряет их дом. Мышонку стало стыдно, и он смущенно попросил у муравьев прощенья.

– Может, вам чем-то помочь? – спросил он.

– Да, пожалуйста, так мы быстрее восстановим разрушенное. Принеси несколько хвойных иголочек, – попросил рыжий муравей.

Рис.1/8

– Я обязательно вам помогу, но скажите, кто вы есть, ведь я с вами еще не познакомился.

– Мыйй коттк – мы муравьи. Мы строим наши муравейники и уничтожаем заразных насекомых. За это нас в тундре все уважают и ценят. Теперь понял, как неосмотрительны были твои действия? – спросил муравей.

– Да-да, извините. Но я вам помогу. Мне это совсем нетрудно.

И Удлэсь Кебпьля принялся вместе с муравьями за работу.

«Надо спешить, надо спешить, – думал он, – мышь-мать не найдет себе покоя, пока я не буду в норе».

Когда последние травинк